"Ba al zenekien Antxoko elizako arkupeak eraitsi nahi dituztela?"
Hausnarketarako zenbait galdera botata, datorren asteazkenean izango den herri batzarrera gonbidatu ditu SOS Antxok barrutiko bizilagunak.
![](https://oarsoaldea.hitza.eus/site/files/2023/03/pasai-antxoko-eliza.jpeg)
“Badakizu nola geratuko den Gure Zumardia topoa lurperatzeko lanak bukatzen direnean”, “Ba al zenekien Pasaiako Udalak eta Euskal Trenbide Sareak [ETS] elizako arkupeak eraisteko aukera aurreikusten dutela?”, “Eta zuk, zer deritzozu?”. Horiek SOS Antxo Koordinakundeak bizilagunei bota dizkien galderak, hurrengo herri batzarrera gonbidatzeko.
Bilkura informatiboa datorren asteazkenean egingo dute, iluntzeko 20:00etan, elizaren atzealdeko lokalean. Herritarren eskubideen aldeko plataformako kideek honakoak izango dituzte hizpide: ETSrekin eta udal gobernu batzordearekin izandako bileren berri ematea, eta Gure Zumardia eta eliza ondoko arkupea nola utzi nahi dituzten jendeari jakinaraztea.