Lezoko jai batzordea asteartean bilduko da
Mendekosteetan sakontzeko, eta santakrutzetako kontzertuei buruz hitz egiteko bilduko dira Kultura Aretoan.
![](https://oarsoaldea.hitza.eus/site/files/2022/06/mendekosteak.jpg)
Lezoko jai batzordea hurbil dituen festak antolatzeko zereginean dabil. Bide horretan hurrengo urratsa bihar (hilak 28, asteartea) egingo dute, batzordearen bilkura izango baita Kultura Aretoan, 19:30ean hasita.
Hiru gai izango dituzte batzordekideek aztertzeko. Lehenean, mendekosteen antolaketan sakonduko dute. Ondoren, santakrutzei begira jarriko dira: Gotti Gazte Elkarteak iraileko jaietarako kontzertuetarako proposamen bat egin du, eta hori eztabaidatuko dute herriko eragileetako kideek. Azkenik, galde-eskeen txanda zabalduko dute.