Aperribaitarren arma lantegia izango dute hizpide Gaztañon
'La sapa de los Aperribay. La guerra empieza aqui' liburua aurkeztuko dute 19:00etan auzo lokalean.
Liburuaren aurkezpena iazko maiatzean. Argazkia: Aiurri Gerraren atzean dagoen negozioa itzela da. Uste baino gertuago egosten dira, gainera, munduan barrena pizten diren gerrak, edo behintzat, haiek elikatzen dituzten ezinbesteko armak. Aperribai familiaren Sapa arma lantegia da horietako bat. Enpresaren gainekoak lehen eskutik ezagutzeko aukera izango da ostiralean Gaztañoko auzo elkarteak. Izan ere, La sapa de los Aperribay. La guerra empieza aqui liburua aurkeztuko dute 19:00etan auzo lokalean.
Antimilitaristak EH kolektiboak idatzitakoa da liburua eta iazko maiatzean argitaratu zuten. Kolektibo horrek Euskal Herriko talde antimilitarista guztiak batzen ditu, eta haiek egindako ikerketa zabalaren emaitza da liburua.Antimilitaristak EHren helburua gizartea desmilitarizatzea da. Kolektiboak salatu duenez, militarismoak kontrol sozialean, planetaren ustiapenean eta baliabideen espoliazioan oinarritutako eredu sozioekonomikoa mantentzen du, “eredu horrek gerrak sortzen ditu, eta mugak ixten dizkie, ihes egiten duten pertsonei”.
Liburuaren bidez, Euskal Herriak gerretan duen inplikazioa jarri nahi dute mahai gainean: “gerra materialaren fabrikazioaren eta horren esportazioaren bidez, armamentuan inbertitzen duten bankuen bidez, eta industria horren makillaje instituzionalaren bidez”.
Antolatzaileek herritar guztiak animatu dituzte ostiralerako antolatu duten hitzaldian parte hartzera. Hizlaria Antimilitaristak EH kolektiboko kide bat izango da.
