Bake epailearen ordezkoa behar dute Lezon
Ardura hori bere egin nahi dutenek maiatzaren 11ra arteko epea dute eskaera aurkezteko. Udalbatzarena da azken erabakia.
Lezoko Udalak hasi du bake epailearen ordezkoa hautatzeko prozesua. Baldintza zehatz batzuk bete behar dituzte hautagaiek. Honakoak dira horietatik garrantzitsuenak:
- Adinez nagusia izatea eta 2022ko urtarrilaren 1etik Lezon erroldatua egotea.
- Eskola graduatua edo baliokidea den tituluaren jabe izatea.
- EGA edo baliokidea den tituluaren jabe izatea.
- Espainiako Botere Judizialeko Lege Organikoko 102 eta 303 artikuluek kargu judizialetako eta bake epailen ekainaren 7ko 3/95 Erregelamenduak, aurreikusitako ezgaitasun eta bateraezintasun kasuetan barne ez egotea.
Interesdunek Lezoko Udaleko Erregistro Orokorrean aurkeztu beharko dituzte eskabideak hilaren 20tik maiatzaren 11 bitartean. Gainera, posturako hautagaiek zinpeko aitorpena aurkeztu beharko dute, deialdian eskatzen diren baldintza guztiak betetzen dituztela eta kargua betetzeko ezgaitasun eta bateraezintasun arrazoien bat ez dutela adieraziz. Era berean, egoki iritzitako merezimenduak aurkeztu ahal izango dira, hala nola, norberaren curriculum vitaea.
Eskaerak aurkeztuta, horiek aztertuko ditu udalak. Egokiena udalbatzak hautatuko du.
