Parke duinak eskatzeko bilduko dira gaur Lezon
18:30ean, Gurutze Santuaren plazan, hainbat ekintza egingo dituzte. Udalari eskatuko diote parkeek "eraldaketa eta zaintza" behar dituztela.
Lezoko guraso talde batek deituta, mobilizazioa egingo dute gaur herrian. Udalari “Lezoko parkeek eraldaketa eta zaintza” behar dutela azaldu nahi dute 18:30ean Gurutze Santuaren plazan egingo dituzten jarduerekin: pankartak jarriko dituzte, argazki erraldoia aterako dute, eta sinadurak bilduko dituzte. Lezoko Ttikiak du izena taldeak. Gainera, Instagram kontua sortu dute parkeen gabeziak era grafikoan azaltzeko, nahiz balizko eraldaketa proposamenak aurkezteko.
Guraso taldeak azaldu duenez, “Lezoko parkeek erronka aldetik gauza berbera” eskatzen dute, “oso pobreak dira. 0-2 urteko txikiek eta nerabeek eskaintzarik ez dute. Parkeak abandonatuta daude, puskatuak, zikinak…”.
Horren aurrean mugitzea erabaki dute. Gaurkoa da horren adibidea. “Lortu arte, ez dugu etsiko. Lezoko txikien ahotsa gara!”.
