Hainbat delituk gora egin dute nabarmen
Herrian gora egin dute Internet bidezko iruzurrek, gorroto delituek baita genero indarkeriarekin lotutakoek. Askatasun sexualaren aurkakoak, behera.
2019. urteko datuekin alderatuta, Errenteria Oreretan 386 delitu gehiago jazo ziren iaz. Polizia iturrien arabera, igoera hori iruzur zibernetikoarekin zerikusia duten delituengatik eman da batik bat, beste hainbat delitu motek gora egin badute ere. 2019a hartu da aintzat, pandemia egoerak baldintzatu gabeko azkena izan zelako.
1.000 biztanleko, Errenteria Oreretako delinkuentzia tasa Donostia, Pasaia edo Irungoa baina txikiagoa dela ondorioztatu du ikerketak. Horien artean “ondarearen eta ordena sozio-ekonomikoaren aurkako” delituek izan dute pisurik handiena azken urtean zehar, 1.708 hain zuzen ere (% 65 gehiago). Horiekin harreman estuan daude iruzurrekin zerikusia dituzten delituak. Errenteria-Oreretan 2019an 235 iruzur egin ziren; iaz, ordea, 608ra hazi da kopuru hori. Nabarmentzekoa da, era berean, herrian “ondarearen eta ordena sozio-ekonomikoaren aurkako” delitu mota gehienek behera egin dutela bitartean.Horretatik guztitik, Errenteriako Udalak aipatu delitu gehienak ez direla aurrez aurre egiten. Alegia, sare sozial, posta elektroniko nahiz Internet bidezko ziber-delituak direla gehientsuenak. Gainera, zuhurtziaz jokatzeko eskatu die herritarrei.
Bestetik, gorroto delituak izan dituzte hizpide. 2016an erregistratzen hasi zirenetik, nabarmen hazi dira delituok. Azken hiru urteotan, bada, % 300ean egin dute gora EAEn, 438 salaketa jarri dituzte. Horien artean, arrazakeria eta xenofobia, zein genero identitateen aurkakoak nabarmendu dituzte. 10 kasu identifikatu dituzte udalerrian.
Bukatzeko, genero eta etxeko indarkeriarekin harremandutakoek gora egin dute ere (108tik 124ra), baita osasun publikoaren aurkakoek ere: droga medio, 33 salaketa jarri dira. Jaitsi diren delitu motak hala nola, askatasun sexualaren aurkakoak izan dira (16tik 9 salaketetara).
