Umore kutsuko aldarriak utziko ditu 'Las que limpian' antzezlanak
Imajinatu hotel batean erreserba egin eta 300 euro ordaintzen dituzula gauagatik. Sartzerakoan, gela aurreko bezeroek utzi bezala dago.
A teatro konpainiaren antzerkia Donibanera helduko da hilaren 30ean. 
Hileko azken igandean, Juanba Berasategiko areto nagusiak A panadería konpainiaren Las que limpian gaztelaniazko antzezlana hartuko du, 19:00etan. Sarrerak dagoeneko eskura daitezke online, eta egunean bertan leihatilan ere jarriko dituzte eskura.
Obraren iraupena 80 minutukoa da, eta ikus-entzuleak 12 urtetatik gorakoak izatea gomendatu dute antolatzaileek. Ondoko lerroetan antzerkiaren sinopsia (euskarara ekarrita) irakur daiteke, eta promozio bideo bat ikusi.
Imajinatu data berezi bat ospatzeko erreserba bat egiten duzula hotel batean. 300 euro ordaintzen dituzu gauagatik. Sartzerakoan, gela aurreko bezeroek utzi bezala dago. Zakarrontzia zaborrez beteta, maindireei izerdi usaia darie, burukoan orban bat dago eta hainbat ile daude dutxan. Harrerara jaisten zara gela garbi bat exijitzera, eta langileak erantzuten dizu: “Sentitzen dut, logela baldintza horietan eskaintzen dugu”. Barkamena eskatu, eta 2,5 euroko deskontua eskaintzen dizu. Onartzen duzu?
