[Argazki galeria] Giro ederra Papineko Gazteriaren lehen urteurrenean
Eguraldia lagun, jendetza bildu da Antxon gazte taldearen lehen urtemuga ospatzeko. Egitarauak arratsaldean izango du jarraipena, gaueko ordu txikiak arte.
Papineko Gazteria taldearen lehen urteurrena ospatzen ari da. Ekitaldiak ostegunean hasi ziren, Porrotx eta Marimotots pailazo ezagunen emanaldiarekin, baina antxotarrak gaur ari dira egun handia ospatzen. 11:00etan irten dira kalera ludoteka berriaren belardian Papingo zuhaitz eta lore landaketa egiteko. 12:30ean karropoteoa egin dute herriko kaleetatik, eta 14:30ean sagardotegi bazkari herrikoia egin dute Biteri plazan jai giroan, 200 lagun ingururekin. Eguna luze joango da, eta arratsaldean izango du egitarauak jarraipena, gaueko ordu txikiak arte.
Honakoa da arratsaldeko eta gaueko egitaraua:
- 16:30. Karaokea, karpan.
- 17:00. Kuadrillategiko gazteen futbol final handia, Ibaiondon.
- 19:00. Elektrotxaranga.
- 22:30. Lehian erromeria, karpan.
- 01:30. Etxeko Dj-ak.
HITZA-k bazkariaren jarraipena egin du. Hona hemen argazki batzuk:
