Sari bikoitza Legurbururentzat Aitor Sarasua Bertso Paper Lehiaketan
Atzo egin zuten sari banaketa Ziburuko (Lapurdi) Baltsa elkartean. Bizitzari ten/k lanak eman dio garaipena Legorbururi
Legorburu Ziburuko Baltsa elkartean. Aitor Sarasua Bertso Paper Lehiaketaren lehenengo eta bigarren saria lortu ditu Iñigo Legorburu errenteriarrak. Atzo egin zuten sari banaketa Ziburuko (Lapurdi) Baltsa elkartean. Bizitzari ten/k lanak eman dio garaipena Legorbururi. Noka idatzitako lana izan dela azaldu du errenteriarrak, “amona baten ahotik, generoa eta sexu identitatearen gaineko gaur egungo zalantzak azaldu ditut, Xabier Amurizaren Ke azpitik, su gainetik doinua erabilita.
Pozik da egilea , “halako bertso sortak moldez eta edukiz bereziak direlako. Ahozko jardunaren oso gertuko egiten saiatu naiz, nire ama,amonei eta izebei entzun izan dizkiedan egiturak eta espresioak txertatu ditut lanean, izan ere, adin batetik gorakoek, oso hizketa freskoa eta gustagarria darabilte gazteagoak garenon belarrientzat. Baserri edo landa inguruko adineko emakume baten papera hartzen ahalegindu naiz”.
Lan irabazleak 300 euroko diru saria ekarri dio Legorbururi.
Iparraldeko Bertsularien Lagunak elkarteak antolatzen duen lehiaketaren bigarren saria ere Legorbururentzat izan zen. Gelako azkena lanak eman zion bigarren hori. Mugikorra izaten gelako azkena den haurraren paperean jarri da Legorburu lana egiterakoan.
“Harro eta pozik” azaldu da Legorburu bere izena lehiaketaren irabazleen zerrendan sartzea lortu duelako: “Sarasua anaiak euskal kulturan eta batez ere bertsolaritzan izen handiak izan direlako eta hainbat belaunaldietara iritsi delako haien lana. Benetan ohorea da nire izena lehiaketa horretan ikustea”.
Lehiaketako hirugarren saria Manu Goiogana Irundarrak irabazi du Konektatu lanarekin.
Bazkalostean, Maialen Lujanbio eta Iker Zubeldia bertsolariak aritu ziren.
