[Galeria] Meipiko larunbat "hunkigarria", iruditan
'Txikitoen ahotsak' emanaldiaren aitzakiapean antolaturiko jaieguna giro ederrean eman zuten sanjuandarrek.
Eguna euritsu hasi bazen ere, eguerdi aldera lehen eguzki izpiak irten eta ordutik aurrera borobil joan zen larunbata Meipi inguruan. Musikari eta dantzariek piztu zuten giroa, eta bizilagunak batu zitzaizkien auzoko plazan.
Arrantzalez, batelariz eta baserritarrez jantzita jaitsi ziren sanjuandarrak kalera larunbatean, jaiegunaren antolatzaileek hala eskatuta. Txikitoen ahotsak ikuskizunak euskal tradizio zaharrak goraipatzea zuen asmo, eta hala egin zuten.
Meipiko Jai Batzordeak Xantixa taldearekin elkarlanean antolatu zituen larunbatekoak. Antolakuntzatik oso balorazio positiboa egin dute: “Primerako harrera izan genuen, denak oso pozik”. Adinekoenengan oroitzapenen bat edo beste piztuko zuten kantu zaharrek, “oso hunkituta, negarrez” bukatu baitzuen baten batek.
Ondoan, bizilagunek HITZAri helarazitako argazki sorta.
