Udaleku irekietarako begirale bila dabiltza Pasaian
Bihartik aurrera eman ahalko dute izena uztaileko egitasmoan lan egin nahi dutenek. Epea maiatzaren 3an bukatuko da.
Bihar, hilak 26, zabalduko da epea Pasaiako Udalaren uztaileko Udaleku irekietan izena emateko, eta interesdunek inskribatzeko aukera izango dute maiatzaren 3ra bitarte.
Udaleko Haur, Nerabe eta Gazteen Sustapen Sailetik jakinarazi dute hautaketa prozesuaren ondorioz sortuko den zerrenda beste egitarau edo jarduera batzuetarako erabiliko dutela.
Udalekuen hautaketa prozesuan parte hartzeko baldintzak bi dira: gutxienez 18 urte izatea eta euskara jakitea. Hautagaiek proba bat egin beharko dute, eta udalak zehaztutako irizpideen araberako merituak ere baloratuko zaizkie.
Hautatuek oinarrizko prestakuntza-ikastaro batean hartu beharko dute. Udaletik ohartarazi dute formakuntza hori nahitaezkoa izango dela Udalekuetan lan egiteko. Honakoak izango dira datak: ekainaren 9an eta 10ean, herriko ikastetxeetako batean.
Udalekuen data zehatzak, ordutegia, eta hautaketa prozesuan izena emateko informazio guztia hemen klik eginda eskura daiteke. Antolatzaileek ohartarazi dute ez dela begirale izateko eskaerarik onartuko maiatzaren 3tik aurrera.
