Wikiloc aplikazioaren gaineko ikastaroa antolatu du Urdaburuk
Urdaburu Mendizale elkarteko bazkideentzat da ikastaroa eta plazak mugatuak dira, 20 lagunetan jarri dute muga.
Wikiloc aplikazioaren gaineko ikastaroa antolatu du Urdaburuk. Wikiloc aplikazioaren gainean oinarrizko ikastaroa antolatu du Urdaburu Mendizale elkarteak. Ibilbideak deskargatzen, igotzen, editatzen, waypontak txertatzen, kentzen… erakutsiko diete bertaratzen direnei. Oinarrizko mailako ikastaro hori, elkarteko kide batek emango du eta bazkideei zuzendua da soilik.
Maiatzaren 10ean izango da ikastaroa 19:30etik 20:30era eta izena emateko epea zabalik da maiatzaren 9ra arte. Gehienez 20 laguneko taldea onartuko dute. Ikastaroa doakoa da, eta izena emateko elkartearen egoitzara jo behar dute interesdunek astearte eta ostegunetan 19:00etatik 21:00etara, ordutegi eta egun horietan 943 52 78 79 telefono zenbakira deituta, edota galdetegia hemen beteta.
Izen emate ordenaren arabera beteko dira plazak.
