Haur eskolako matrikulazioa asteartean zabalduko du Orereta Ikastolak
Maiatzaren 2tik 16ra artean izango da zabalik matrikula kanpaina. Ikastolako Haur Eskola eta Esmalteriako eraikina ezagutzeko hiztordua har daiteke.
Haur eskolako matrikulazio kanpaina zabalduko du Orereta Ikastolak asteartean. Argazkia: Orereta Ikastola Orereta Ikastolako haur eskolako matrikulazioa asteartean, maiatzak 2, zabalduko du Orereta Ikastolak. Maiatzaren 16ra arte izango da zabalik matrikula egiteko epea, eta bitarte horretan haur eskola eta Esmalteriako eraikina ezagutzeko nahiz zalantzak argitzeko aukera eskainiko du Orereta Ikastolak. Horretarako, hitzordua hartu behar dute interesdunek Orereta Ikastolaren webgunean.
Zalantza eta kontsultak egiteko, halaber, posta elektronikora mezua bidali edo 943 52 03 97 telefono zenbakira deitu.
Haur eskolaren ordutegiaren malgutasuna nabarmen jarri dute: “Hiru sarrera ordu daude. Goizean 07:30etik 09:30era, bazkal aurretik 11:00etan, eta bazkaldu ondoren, 12:30ean. Irtera orduetan ere lau aukera: bazkaldu aurretik 11:30ean, bazkaldu ondoren 13:00ak eta 13:15 artean, siestaren ondoren 14:30 eta 15:30 artean, edo askariaren ondoren 16:15 eta 17:00ak artean”. Egutegia ere zabala dela azaldu dute, hala irailetik uztailera eskaintzen dute, eta otorduak, berriz, Añabitarteko sukaldean prestatutakoak dira.
Haur eskola zerbitzua proiektu zabalago eta osoago baten parte dela nabarmendu du Orereta Ikastolak, “irabazi asmorik gabeko herri onurako kooperatiba da Orereta Ikastola, pedagogia eraldatzailea zehar lerro, 0-18 urte arteko kalitatezko proiektu burujabea eskaintzen duena. Euskaran, Euskal herrian zein euskal kulturan oinarrituta dago eta beste hizkuntza nahiz kulturi irekia”.
