'12 orduz erriolan' kultura eta euskara erruz, Orereta Ikastolaren eskutik
12 orduz Erriolan Orereta Ikastolako komunitatea Kilometroak 23ren harira urte osoan zehar antolatzen ari den ekitaldietako bat da. Larunbatean egingo dute–hilak 6–. Programazio osoa urriaren 1ean ospatuko den jaiarekin amaituko da.
Janus Lester Berako taldeak konposatu du Erriola kilometroak 23ko kanta; Jon Maia Soria bertsolariarenak dira hitzak. Hamabi orduz euskara ardatz izango duen kultur maratoiaz gozatzeko aukera eskainiko die Orereta Ikastolak herritarrei Kilometroak 23ren barruan larunbatean. Agirre Lehendakariaren plazak hartuko du 12 orduz Erriolan iniziatiba eta bertan Errenteria-Oreretako zein inguruetako artistek hartuko dute parte 11:00etatik 23:00ak arte. Askotariko egitaraua ondu du Orereta Ikastolak, arte diziplina ezberdinetako hamaika proposamena.
Pozik azaldu dira antolatzaileak programa osatzeko jaso dituzten proposamenekin, eta eskerrak eman dizkiete parte hartzaileei deialdiari emandako erantzunagatik. izan ere, kultur eragileekin batera, modu parte hartzailean antolatu nahi zuen maratoia Orereta Ikastolak, eta horretarako, pasa den hilabetean proposamenak jasotzeko epea zabaldu zuen: “Errenteria-Oreretako zein Oarsoaldeko sortzaileei oholtza bat eskaintzea da asmoa”.
Proposamenak jasota, ondokoek hartuko dute parte 12 orduz Erriolan maratoian: Lur Korta ipuin kontalaria, Herri Arte Eskolako ikasleak, Lau Haizetara Euskaltzaleon Topagunea, Beti Prest Dantza taldea, Hola zirkua, Amulleta Danbor kofradia, Orereta Ikastolako ikasle, familia, zein irakasleak, Hiruki Biraka, Edu Magoa, Xenpelar Bertso Eskola, Soinuenea, Concha Rociera, Sageltarrak, Lawless Records, Zilibato records, eta DJ Iker Rodriguez.
Maratoiari ginga jartzeko Janus Lester musika taldeak Kilometroak 23rako konposatu duen Erriola abestia eskainiko du lehen aldiz jendaurrean. Jon Maia Soria bertsolariarenak dira kantaren hitzak. 21:45ean izango da hori. Ondoren, 23:00ak arte kontzertua emango du Berako taldeak.
12 orduz Erriolan Orereta Ikastolako komunitatea Kilometroak 23ren harira urte osoan zehar antolatzen ari den ekitaldietako bat da. Programazio osoa urriaren 1ean ospatuko den jaiarekin amaituko da.
Egitaraua
-
11:00-11:15: Aurkezpena eta Oreretako gazte sortzaileen emanalditxoa
-
11:15-11:30: Lur Korta ipuin kontalaria
-
11:30-12:30: Herri Arte Eskolako ikasleak: Klakea, Orkestra Txiki eta Erromeria
-
12:30-13:45: Lau Haizetara Euskaldun Topagunearen Kantujira eta Beti Prest Dantza Taldearen Muxikoak
-
13:00-14:00: Hola Zirkua
-
14:00-14:20: Amulleta Danbor Kofradia
-
14:20-14:30: Orereta Ikastolako Familia Laukotea
-
14:30-14:50: Orereta Ikastolako DBH Banda
-
15:00-15:30: Orereta Ikastolako LHko ikasle sortzaileak
-
15:30-16:15: Hiruki festa familian: gimnasia akrobatikoa
-
16:15-16:25: Edu Magoa
-
16:15-17:15: Xenpelar Bertso Eskola
-
16:25-17:15: Soinuenearen turuta tailerra
-
17:15-17:45: Herri Arte Eskolako ikasleak: Balleta
-
17:45-18:45: Concha Rocieraren sevillanak
-
18:45-19:15: Kontzertua: Sageltarrak
-
19:15-19:25: Iraitz Apezetxearen diabolo saioa
-
19:15-20:00: Kontzertua: Lawless Records (FDLT, Traydeal, Blueice Davies eta Marc Moleman)
-
20:00-20:45: Kontzertua: Zilibito Records
-
20:45-21:45: DJ Iker Rodriguez
-
21:45-23:00: Kontzertua: Janus Lester eta Kilometroak 23ren abestiaren aurkezpena
