[Bideoa era galeria] '12 orduz erriolan', martxan
'12 orduz erriolan' kultur egitasmo erraldoia egiten ari dira Errenteria-Oreretan, Kilometroak 23ri hauspoa emateko.
Kilometroak 23ren egitarauaren barruan, 12 orduz erriolan kultur egitasmo erraldoia egiten ari dire, Orereta Ikastolaren ekimenez, Linon egokitutako eremuan. 12 orduz herriko (batez ere) eta kanpoko kultur eragileek bultzada emango diote euskarari, herri giroari, elkarlanari eta Kilometroak 23ri. Orereta Ikastolak eskerrak eman dizkie egitasmoan parte hartzen ari diren den-denei 11:00etan izan den hasierako ekitaldian. Bertan, aldi berean, herritarrei ere esker oneko mezua helarazi nahi izan diete, “ikastolak duen babesagatik”. Gaurkoa, herritarrei begirako esker ekitaldia ere badela adierazi dute sarrerako saioan.
Aldi berean, saioak hasi dituzten Oreretako Gazte Sortzaileek, oroigarria eman diote Orereta Ikastolako presidente den Itziar Navarrori.
11:00etan hasita, bata bestearen atzetik joango dira kultur ekitaldiak. Ginga 21:45ean iritsiko da: Janus Lester taldeko kideek Kilometroak 23ren kantua barnebilduko duen kontzertua emango dute. Bada giroa gaur herrian, luzerako gainera.
Jarraian, 14:00etatik aurrerako ekitaldien zerrenda. Beherako, goizeko giroaren argazki galeria eta bideoa.
- 14:00-14:20: Amulleta Danbor Kofradia
- 14:20-14:30: Orereta Ikastolako Familia Laukotea
- 14:30-14:50: Orereta Ikastolako DBH Banda
- 15:00-15:30: Orereta Ikastolako LHko ikasle sortzaileak
- 15:30-16:15: Hiruki festa familian: gimnasia akrobatikoa
- 16:15-16:25: Edu Magoa
- 16:15-17:15: Xenpelar Bertso Eskola
- 16:25-17:15: Soinuenearen turuta tailerra
- 17:15-17:45: Herri Arte Eskolako ikasleak: Balleta
- 17:45-18:45: Concha Rocieraren sevillanak
- 18:45-19:15: Kontzertua: Sageltarrak
- 19:15-19:25: Iraitz Apezetxearen diabolo saioa
- 19:15-20:00: Kontzertua: Lawless Records (FDLT, Traydeal, Blueice Davies eta Marc Moleman)
- 20:00-20:45: Kontzertua: Zilibito Records
- 20:45-21:45: DJ Iker Rodriguez
- 21:45-23:00: Kontzertua: Janus Lester eta Kilometroak 23ren abestiaren aurkezpen
