Altamirako igogailua, martxan
Ostiral goizetik da martxan irisgarritasun azpiegitura. Kaleko hirugarren igogailua da, Bekoerrota-Altzate eta Ijurkokoaren ondoren.
Lezoko Udalak jakinarazi du joan den ostiral goizetik martxan dela Altamirako igogailu berria. Herriko kaleko hirugarren irisgarritasun azpiegitura da, Bekoerrota-Altzate eta Ijurkoko igogailuen ondotik.
Udalak adierazi du igogailua egitearen helburua dela Altamirako auzotarren irisgarritasuna hobetzea, haien eskaerei erantzuna emanaz. Udalak konpromisoa hartu du etorkizunean irisgarritasun egitasmo gehiago garatzeko.
