Egitarau oparoarekin datoz Zamalbide-Bentaseko jaiak
Larunbatean hasiko dira jaiak eta astelehena arte hamaika ekitaldiz josi dute, haur, gazte eta helduentzat egitaraua.
Larunbatean hasiko dira Zamalbide-Bentak auzoko jaiak. Argazkia: Kronika.eus Zamalbide-Bentasera ere heldu da jai giroa. Larunbatean hasiko dira jaiak eta astelehena arte hamaika ekitaldiz josi dute, haur, gazte eta helduentzat egitaraua. Jolasa eta puzgarriak, bazkaria, txapelketak, magia ikuskizuna, apar festa, txokolate jatea eta musikarekin girotutako herri afaria antolatu dituzte, besteak beste.
Bertso saioa ere antolatu dute eta Anjel Mari Peñagarikano eta Emaitz Murua ariko dira igandean auzoko lokalean 11:00etan hasita. Igandean bertan, pilota partida Auzolan frontoian, Mikel Goñi eta Erasun, Urmeneta eta Aranbururen kontra arituko dira.
Auzo elkarteak auzotarrak eta herritarrak gonbidatu ditu jai giroarekin bat egitera.
Egitaraua
Maiatzak 13 larunbata: haur eta gazteen eguna
- 10:30 Txupinazoa
- 10:30
- 13:00 Haur jolasak eta puzgarriak Perurenako Auzolan frontoian. Nahi duten gazteekin herri kirolen lehiaketa antolatuko da.
- 13:00 Haur bazkaria Auzolan Elkartean.
- 15:00 Eleder magoa auzoko lokalean.
- 16:00 Mus txapelketa Auzolan Elkartean.
- 17:00 Eguraldi ona izanez gero APAR FESTA frontoiaren kanpoko aldean. Bainujantzia eta uretako oinetakoak ekarri!
- Eguraldi txarra eginez gero karaokea lokalean.
- 18:00 Txokolatada.
- 20:30 Afari herrikoia. Musikarekin girotua, Auzolan Elkartean 25€ren truke. Aldez aurretik erreserba egin beharko da maiatzak 9a baino lehen, telefono zenbaki hauetara deituta 637781772 (Igor) / 656765482 (Iker).
Maiatzak 14 igandea: jubilatuen eguna
- 12:00 Herri-meza.
- 13:00 Salda eta bertsolariak auzoko lokalean (frontoiko goiko aldean).
- 14:00 Jubilatuen omenaldiko bazkaria bertsolariekin girotua Auzolan Elkartean. Anjel mari Peñagarikano eta Emaitz Murua.
- 18:00 Pilota partidua bertsolariekin girotua Auzolan frontoian. Lehenengo partidua Oiarpeko pilota eskolakoen eskutik. Ondoren, Mikel Goñi eta Erasun, Urmeneta eta Aranbururen kontra. Sarrera 5 € (16 urtetik beherakoak doan).
Maiatzak 15, astelehena: Baserritarren Eguna
- 11:45: San Isidro zaindariaren ibilaldia elizaren inguruan.
- 12:00: Herri meza
- 13:00: Salda eta bertsolariak: Igauri Lopetegi eta Emaitz Murua.
- 14:00: Lagun arteko bazkaria auzolan elkartean.
- 18:00: Idi probak: Artola, Matxain eta Mixiyua. Idi parea 2000 kiloko harriarekin pisu librean. Sarrera doan.
