Inspirazioa eta sorkuntza eskutik, Jantziaren Zentroan
Habian! Egoiliarren erakusketaren sortzaileak Jantziaren Zentroan izango dira beren lanak bertatik bertara aurkezten eta sormen ibilbidea partekatzen larunbatean, 11:00etan.
jantziaren zentroaren artxiboko argazki bat. Argazkia: Kultura Errenteria Habian! Egoiliarren erakusketaren sortzaileak Jantziaren Zentroan izango dira beren lanak bertatik bertara aurkezten eta sormen ibilbidea partekatzen larunbatean, 11:00etan. Jantziaren Zentroak sortzaile horien lanak hartuko ditu ekainaren 25era arte, eta artelan horiek zuzenean aurkeztuko dituzte larunbateko saioan. Saioa Matxain, Ruben Pantiga, Ainhoa Ibarguren, Marta Marek, eta Elena Rodriguez Ranzek euren moda, ehungintza, bitxigintzan eta jostailu bereziak aurkeztuko dituzte zentroaren beheko solairuan.
Aizpea Oategi Errenteriako alkateak parte hartuko du topaketa horretan, eta bertako kulturak eta sormenak duten garrantziaz arituko da. Jantziaren Zentroaren iritziz, aukera paregabea da larunbatekoa, bertako artisten lana gertutik ezagutu eta udalerrian kulturaren eta sormenaren garapena bultzatzeko.
Ekitaldia irekia eta doakoa da.
Habian!eko egoiliarren erakusketa doan bisitatu daiteke Kapitain Etxearen beheko solairuan ekainaren 25a arte. Ordutegia honakoa da, larunbatetan 11:00etatik 14:00etara eta 17:00etatik 20:00etara, eta igandetan 11:00etatik 14:00etara.
