Herriarteko Txapelketan Paleta Larruz eta Pala Motzean ariko dira EPLEkoak
Final laurdenetako joaneko partidak 19:30ean hasiko dira eta EPLEko Yorel, Eskisabel, Abel, Ruben eta Arregi —azken hori ordezko gisa— emaitza ona lortzen saiatuko dira astebete barru, hilaren19an Agustina Otaola Raketista Profesionala pilotalekuan jokatuko dituzten itzulerako partidei begira.
Ruben eta Yorel partida batean. Argazkia: Arizmendi Herriarteko Txapelketan parte hartuko dute EPLEko palistek. Zehazki, Paleta Larruz eta Pala Motzean arituko dira eta ostiralean izango dute partida Andoaingo Arrate pilotalekuan. Final laurdenetako joaneko partidak 19:30ean hasiko dira eta EPLEko Yorel, Eskisabel, Abel, Ruben eta Arregi —azken hori ordezko gisa— emaitza ona lortzen saiatuko dira astebete barru, hilaren19an Agustina Otaola Raketista Profesionala pilotalekuan jokatuko dituzten itzulerako partidei begira.
Andoaingo taldea indartsua dela nabarmendu du EPLEk, baina Errenteria-Oreretakoek sobera ezagutzen dute Arrate pilotalekua: “Zesta puntako pilotalekua izanik, luzea da, baina ondo baino hobeto ezagutzen dute aurreko edizioetatik”.
Grabniko finala
Garaipenik ez dute lortu Unax Pagola eta Anatz Pichelek. Nafarroaren aurka 22 urtez azpiko larruzko paletan egindako Federazioen Grabni txapelketaren finalean 35-14 galdu zuten errenteriarrek. Mendizabalek eta Sanchezek osatutako bikote nafarraren maila altua nabarmendu du EPLEk, baita finalaurreko urduritasuna, “bien batura argi eta garbi islatzen da markagailuan”. Hala ere finalera iritsita txapelketa bikaina egin dute errenteriakoek.
