Igantzik ostiralean piztuko du suziria
Hiru egunez zer gozatu ugari izango da auzoan. Egitarau zabala antolatu dute haur eta helduentzat.
Ganbo plazak hartuko ditu ekitaldi gehienak jaietan. Pontikako jaiek eman zioten hasiera auzoko festen garaiari, eta ordutik lekukoa pasatzen ari dira. Iztieta-Ondartxon hilabete hasieran ospatu zituzten, eta orain Igantzi auzoaren txanda heldu da. Ostiralean piztuko dute suziria eta hortik aurrera, hiru egunez zer gozatu ugari izango da auzoan. Egitarau zabala antolatu dute haur eta helduentzat, tartean txapelketak, haurrei begirako jokoak eta apar festa, sardina jatea, herri bazkaria, disko festa, edota txokolate jatea.
Igantziko Auzo elkarteak auzotarrak zein herritarrak orohar deitu dituzte jaietan parte hartzera eta gozatzera.
Egitaraua
Hilak 12, ostirala
- 19:00: Txupinazoa eta jaien hasiera
- 19:30: Sardina jate herrikoia Ganbo plazan.
- 22:00: Mus txapelketa Ganbo plazan. Gutxienez 12 bikote, izen ematea 20euro bikotea.
- 22:30: Disko festa Ganbo plazan.
Hilak 13, larunbata
- 11:00: Bizkotxo lehiaketa.
- 11:30: Auzoko hildakoen omenezko omenaldia eta ondoren luntxa.
- 16:30: Jokoak Migel Zabaleta kalean.
- 17:30: Txokolate jatea Ganbo plazan.
- 19:00: Zunba saioa, Ganbo plazan.
- 20:30: Talde afari herrikoia Ganbo plazan. Bakoitzak bere afaria eraman behar du eta Igantzi Auzo elkarteak sagardoa eta ardoa jarriko ditu.
- 23:00: Disko festa Ganbo plazan.
Hilak 14, igandea
- 11:00: Haur mailako bote txapelketa Ganbo plazan.
- 11:30: Patata tortilla lehiaketa.
- 12:00: Helduen mailako bote txapelketa Avenida taberna ondoan. Parte hartzea auzokoentzat. Izena ematea: 2 euro.
- 13:00: Helduen mailan toka txapelketa, Ganbo plazan. Parte hartzea auzokoentzat. Izena ematea: 2 euro.
- 14:30: Paella jate herrikoia, Ganbo plazan. Txartelak, 8 euroan salgai aurretik.
- 16:00: Magia ikuskizuna Ganbo plazan.
- 18:00: Haur guztientzat askaria: txokolatea eta pizaa, Ganbo plazan.
- 18:30: Beraun Herri Abesbatzaren emanaldia.
- 19:30: Txapelketa guztien sari banaketak, traka eta jaien amaiera.
