Mendekosteetako bazkaria eta Lizarrara bidaia, Aiton Bordan
Festetako bazkaria hilaren 27an egingo dute. Lehenago, ordea, Lizarra eta inguruak ezagutzeko txangoa programatu dute.
Aiton Bordan ez dute atsedenik hartzen. Maiatzerako beste bi jarduera proposatu dituzte, horietako batek herriko urteko lehen jaiekin harremana duena.
Mendekosteetan, hilaren 27an (larunbata) bazkaria egingo dute, Aiton Bordan bertan. Erretiratuen etxeko zuzendaritza batzordeak oroitarazi du bertarako tiketak elkartearen egoitzan salgai dituztela. 60 toki dituzte otordurako, beraz, bertan izan nahi dutenei adi ibiltzeko eskatu diete. Izen emateetan bazkideek lehentasuna izango dute.
Bestalde, mendekosteen aurretik, Nafarroako Lizarra herria eta Iratxe ezagutzeko txangoa egingo dute, hilaren 25ean. Bidaiarekin bat egiteko zerrenda erretiratuen egoitzan izango da jarrita hilaren 23ra arte; han, bidaiaren nondik-norakoen gaineko informazioa ere badago. Jakinarazi dute toki gutxi geratzen direla autobusa betetzeko.
