Mendi ibilaldia, bodegara bisita eta bazkaria Urdabururekin
Hilaren 27an Artxabal mendira ibilaldia antolatu du Urdaburuk. Ondoren bodega batera bisita egingo dute, eta bazkaria.
Artxabal mendia. Argazkia: Eñaut Bengoa (Mendiak.eus) Araba aldera egingo dute Urdaburukoek hilaren 27an. Bertako Artxabal mendira ibilaldia antolatu du mendizale elkarteak. 1.168 metro ditu Artxabal mendiak eta ibilbidea hiru ordukoa izango da Rivaseko mendatetik abiatuta.
Mendi irteera horrek izango du saria bertaratzen diren bazkideentzat. Izan ere, bodega batera irteera eta bazkaria ere antolatu dute ibilaldi osterako. Errioxa aldera egingo dute, San Vicente de la Sonsierra herrian dagoen El Contador bodegara. Bertan bisita gidatua egingo dute, hamaiketakoa barne. Arabara itzuliko dira berriro Bastidako Alain jatetxean bazkaltzeko.
Zumardiko autobus geltokitik abiatuko dira 07:00etan, eta Aritzetan ere geldituko dira 07:15ean. Irteeraren prezioa 55 eurokoa da, eta autobusean bertan ordaindu beharko da. Bazkideek lehentasuna izango dute, izan ere, plazak mugatuak dira 50 lagunentzat.
Izena emateko epea hilaren 9an zabaldu zuten bazkideentzat, eta 16an zabalduko dute bazkide ez direnentzat 21:00etatik aurrera. Izena emateko idazkaritzara jo dezakete interesdunek 19:00etatik 21:00etara, edo egun eta ordu berean 943 52 78 79 telefono zenbakira deitu. Online ere eman daiteke izena, horretarako klik egin hemen.
Arabako biraren 4. etapa
Astebete aurretik, hilaren 2oan, Arabaren laugarren etapa egingo du Urdaburu Mendizale Elkarteak. Genevillatik Ekorara egingo dute ibilaldia, eta bidean Cabredo herritik, la Poblacion gailurretik eta izen bereko herritik pasako dira. Zeharkaldia sei ordukoa izango da denera. Ibilaldiaren zehaztasuna hemen klik eginda kontsulta daitezke.
Zumarditik irtengo da autobusa 07:30ean Zumardiko autobus geltokitik, eta 07:45ean Aritzetatik. Izena eman nahi dutenek idazkaritzara jo dezakete interesdunek 19:00etatik 21:00etara, edo egun eta ordu berean 943 52 78 79 telefono zenbakira deitu. Online ere eman daiteke izena, horretarako galdetegia bete behar da.
