Erroten egunaren harira, bisita gidatuak Fanderian
Antolatutako bisitak euskaraz eta gaztelaniaz eskainiko ditu Fanderiako errotak hilaren 14an, bi euskaraz eta bat gaztelaniaz, zehazki.
Fanderiako Errota-Ibaiaren Etxeak larunbatean zabalduko ditu ateak. Hileko bigarren astebururo bezala, honakoan ere ateak zabalduko ditu Fanderiako errotak 10:30etik 14:00ak arte, eta errota martxan ikusteko aukera izango da doan.
Gainera, hilaren 14an, Gipuzkoako Erroten Eguna dela baliatuta hiru bisita gidatu eskainiko dituzte bertan. 10:30ean izango da lehena euskaraz, 11:30ean bigarrena gaztelaniaz, eta 12:30ean hirugarrena eta azkena, hori ere euskaraz.
Informazioa gehiago eskuratzeko 953 49 45 21 edo 690 72 02 64 telefono zenbakietara deitu edo Oarsoaldeko Turismo Bulegoaren posta elektronikora mezua bidali daiteke. Fanderiako errota kudeatzen duen zerbitzura ere bidal daiteke mezua.
