Sua Enparantza eta Julen Portillo Kuxkuxeroak dira
Kuxkuxeroak egitasmoaren barruko saioak egingo dituzte datozen egunetan Oarsoaldeko lau herrietan. Lehenak bihar (ostirala) dira.
Sua Enparantza bihar Pasaian izango da, eta 26an Oiartzunen. Kuxkuxeroak egitasmoaren barruko saio gehiago egingo dituzte maiatzean Oarsoaldeko lau herrietan. Horietan, kuxkuxeroak Sua Enparantza aktore eta dantzaria, eta Julen Portillo tiktoker eta influencer-a izango dira. Kuxkuxeroak eskualdeko gazteek euren gustuko erreferente euskaldunekin hitz egitea ahalbidetzen duen egitasmoa da. Kuadrillategin eta gazteei zuzendutako bestelako egitasmoetan dabiltzanentzat dago bideratua, 12-18 adin tartekoentzat alegia. Oarsoaldeko Euskara Batzordea (lau udalek dute ordezkaritzan han) bideratutako egitasmoa da.
Portillo bihar (hilak 12, ostirala) Errenteria-Oreretako gazteekin bilduko da, eta 19an, berriz, Lezokoekin. Enparantzak, aldiz, biharkoan du pasaitarrekin hitzordua, eta 26an Oiartzungoekin.
Saioetan euren ibilbide profesionalaren eta bizipen pertsonalen berri emango dute kuxkuxeroek. Gazteek haiei galderak egiteko aukera izaten dute, solasaldi tarteei bide emanez.
