Hilaren 21era arte luzatu dute eskubaloi campusean izena emateko epea
Ereintzak, Munttarpek eta Donibanek Udako Oarsoaldeko Eskubaloi campusa antolatu dute 2010 eta 2014 urteen artean jaiotako neska-mutilentzat, bi txandarekin.
Ereintza Eskubaloiak, Munttarpek eta Donibane Eskubaloiak Udako Oarsoaldeko Eskubaloi campusa antolatu dute, eta antolatzaileek jakinarazi dute eskubaloi udaleku horretan parte hartzeko izen-emateak hilaren 21era arte luzatu direla.
2010 eta 2014 urteen artean jaiotako neska-mutilei zuzenduta dago campusa, eta bi txanda antolatu dituzte: ekainaren 26tik 30era eta uztailaren 3tik 7ra. Udalekuak goizez izango direla zehaztu dute antolatzaileek, 09:30etik 13:30era.
Izen-ematea ondorengo estekan edo kartelean sortu duten QR baten bidez egin daiteke. Zalantzetarako helbide elektronikoa ahalbidetu dute antolatzaileek.
Honakoak dira prezioak:
- Aste bat: 75 euro (bigarren senidea 60 euro). Bazkide direnak 70 euro (bigarren senidea 55 euro).
- Bi aste: 130 euro (bigarren senidea 105 euro). Bazkide direnak 125 euro (bigarren senidea 100 euro).
