Orioko hilketa matxista arbuiatuko dute Trintxerpe eta Antxon
Pasaiako Mugimendu Feministak hilketa matxistaren aurrean arbuioa erakustera deitu du, gaur arratsaldean, Biteri eta Gernika plazetan.
Biteri plazan elkartuko dira antxotarrak. 
Pasaiako Mugimendu Feministak elkarretaratzeak deitu ditu du Pasai Antxo eta Trintxerpen, herenegun Orion izandako hilketa matxistaren aurrean arbuioa erakusteko. Gaur arratsaldean izango dira biak, 19:00etan, Biteri eta Gernika plazetan.
Eusko Jaurlaritzako Segurtasun Sailak jakinarazi duenez, bi norbanako hil ziren astearte arratsaldean Orioko parke batean. Lehen zantzuen arabera, gizonak tiro egin zion bikote-ohi zuen emakumeari, eta bere buruaz beste egin zuen jarraian. Segurtasun sailburu Josu Erkorekak adierazi du andrearekin geratuta zegoela hiltzailea, eta ikusi orduko tirokatu zuela biktima, hark manipulatutako eskopeta batekin.
2003tik, indarkeria matxistaren ondorioz 117 emakume hil dituzte Euskal Herrian, eta baita 11 haur ere. Iaz lau andrazko hil zituzten bikotekideek Euskal Herrian.
