Ostiralean hasiko dira II. Meipiko Jaiak
Hiru eguneko eskaintza oparoa prestatu du Meipiko Jai Batzordeak bizilagunentzat. Joan den asteburuko barrikotearekin martxa hartua dute.
Iazko danborradako argazki bat. Aurten larunbatean egingo dute, 18:30ean hasita. 
Joan den asteburuan egin zuten atariko barrikotea, eta honetan ospatuko dituzte Meipiko II. Jaiak, ostiral arratsaldean hasi eta igande gauera arte. Auzoko jai batzordeak elkarlan trebea egin du barrutiko elkarte, eragile eta establezimenduekin. Horren erakusle antolatu duten egitarau osoa —atsedenik hartzeko aukerarik ez dute izango bizilagunek—.
Esan bezala, ostiral arratsaldean ekingo diote ospakizunari, Kuadrillategik antolatutako haurrentzako jolas eta tailerrekin. Txupinazoa baino lehen txosnaren irekiera egingo dute Matraka eta Pasai txarangek girotuta, eta 20:00etan botako dute suziria. Inauguraziotik aurrera, zerekin gozatua hartu izango dute sanjuandarrek… Horra hor Meipiko Jai Batzordeak antolatutako egitaraua:
- Ostirala, hilak 19
- 17:30. Haurrentzako jolasak eta tailerrak. Antolatzailea: Kuadrillategi.
- 18:45. Txosnaren irekiera Matraka elektrotxarangarekin (antolatzailea: Kuadrillategi), eta Pasai txaranga auzoan barrena.
- 19:45. Omenaldia Donipari KE taldeari. Agurra Lintxua dantza taldearen eskutik
- 20:00. Txupinazoa, Pasai txarangarekin. Jarraian, buruhandiak.
- 22:30. Kontzertuak: Gona PK, ELC310, Rafa NSF. Jarraian, Itzalpeko DJ.
- Larunbata, hilak 20
- 10:00. Lasterketa bikote mistoentzako (5km). Laguntzailea: Xanju Kirol Kluba.
- 11:00. Haur eta helduentzako karabina txapelketa, frontoian. Laguntzailea: Usoa elkartea.
- 11:00. Toka txapelketa.
- 11:30. Kalejira ‘Sanjuango txistulariekin’, auzoan barrena.
- 12:00. Patata tortilla txapelketa.
- 12:00. Kantu Jira.
- 13:00. Rifaren zozketa.
- 16:00. Mus txapelketa.
- 17:00. Haur jolasak. Jarraian, askaria.
- 18:30. Herri danborrada ‘Meipi band’-ekin.
- 20:30. Burrunba elektrotxaranga.
- 22:30. Kontzertua: Zurrounk (rock bertsioak). Jarraian, DJ Karlos.
- Igandea, hilak 21
- 13:00. Konstantzia musika bandaren kontzertua, Muxikoekin batera.
- 14:30. Herri bazkaria (paella). Laguntzailea: Usoa elkartea. Jarraian, bingoa.
- 18:00. Erromeria, Fan&Go taldearekin.
- 21:00. Jaien amaierako traka.
