Pala txapelketako finalak asteburuan erabakiko dira
Pasa den asteburuan zazpi partida jokatu dituzte, eta honetan erabakiko da dena. Finalak, hurrengo asteburuan.
Zutik, Zabala, Arrizabala, Luixa eta Conde. Makurtuta, Murua, Karrera, Olano eta Uzkudun markagailuan egoten den gazte laguntzailearekin. Giriziak —udalaren laguntzarekin— antolatzen duen Euskal Herriko Pala Txapelketa Irekiaren XXXIX. ekitaldia azkeneko txanpan sartu da.
Pasa den asteburuan zazpi partida jokatu zituzten, eta horietako hirutan finalerako txartela zegoen jokoan.
Bestalde, Hirugarren Mailan, Oiartzungo bi bikote aritu ziren finalerdien bila. Arizmendi eta Arbelaitzek bi ordu eta erdiko partida jokatu zuten Izkierdo eta Ferreiroren kontra, eta lau tantogatik galdu zuten.
Beste bikote oiartzuarrak —Mitxelena eta Arzallusek osatutakoak— hiru tantogatik irabazi zion Quina-Viena bikoteari, eta, beraz, finalerdietan egongo dira.
Finalak ekainaren 3an —hurrengo larunbatean— jokatuko dituzte. Lau izango dira: gizonen hirugarren, bigarren eta lehen mailakoak, eta emakumeen txapelketakoa. Guztira 82 bikotek hartu dute parte.
Hirugarren Maila
- Izkierdo — Ferreiro / Arizmendi — Arbelaitz: 25-21 (final laurdenak).
- Mitxelena — Arzallus / Quina — Viena: 25-22 (final laurdenak).
Bigarren Maila
- Zabala — Arrizabalaga / Luixa — Conde: 20-25 (final erdiak).
- Telletxea — Telletxea / Berho — Merindano: 23-25 (final laurdenak).
Lehen Maila
- Garalde — Elezgarai / Epelde — Erleaga: 12-25 (final laurdenak).
- Loidi — Dagerre / Salegi — Seoane: 25-12 (finalerdia).
Emakumeen Txapelketa
- Karrera — Murua / Olano — Uzkudun: 25-20 (finalerdiak).
