Zaleen bultzada behar dute play-offetara sailkatzeko
OKEko gizonen talde nagusiak Urolaren kontra jokatuko du igande arratsaldean. Etxeko azkeneko partida izango da.
Oiartzun Kirol Elkarteko talde batzuek bukatu dute 2022/23 denboraldia, baina beste batzuk urtea biribiltzeko fasean sartuta daude oraindik.
Gizonen futbol talde nagusiaren kasuan, etxean jokatuko duten azkeneko partida izango da igandekoa (16:30ean). Urolaren bisita jasoko dute, eta eskura dute play-offetara iristea. Hori bai, ez dute hutsik egin behar.
Zumarragarrak zazpigarren postuan daude; ez dira arerio samurra izango. Oiartzuarrek zaleen bultzada beharko dute partida poltsikoratu eta sailkatzeko aukerak biderkatzeko.
OKEren emakumeen hirugarren taldeak, berriz, Igoera Faseko finala jokatuko du bihar arratsaldean, Usurbilgo Harane futbol zelaian.
Areto futbolean, finalaren bila
Areto futboleko talde nagusia play-offetan sartuta dago. Pasa den asteburuan etxean bana berdindu zuten Egintzaren kontra, eta bihar Andoainen jokatuko dute itzulikoa.
Partida irabazten duena mailaz igotzeko finalera pasatuko da.
Gizonezkoen Ohorezko Erregional Maila
- Oiartzun — Urola: etzi, 16:30ean, Karla Lekuona futbol zelaian.
Emakumeen Euskal Liga
- San Martin Hauskaitz — Oiartzun B: etzi, 12:30ean, Gasteizko San Martin auzoko futbol zelaian.
Gizonen Gorengo Maila
- Allerru — Oiartzun B: gaur, 20:30ean, Plazeta futbol zelaian.
Emakumeen Gorengo Maila. Igoera Fasea: Finala
- Usurbil — Oiartzun C: bihar, 18:15ean, Usurbilgo Harane futbol zelaian.
Mutilen Gazte Mailako Nazional Maila
- Santutxu B — Oiartzun: etzi, 12:00etan, Bilboko Mallonako galtzadetako futbol zelaian.
Mutilen Gazte Mailako Gorengo Maila
- Oiartzun B — Allerru: etzi, 12:00etan, Karla Lekuonako futbol zelai txikian.
Mutilen Gazte Mailako Lehen Maila. Kopa
- Oiartzun C — Euskalduna B: bihar, 16:00etan, Karla Lekuonako futbol zelai txikian.
ARETO FUTBOLA
Gizonen Gipuzkoako Lehen Maila
- Egintza — Oiartzun KE : bihar, 17:30ean, Andoaingo Allurralde kiroldegian.
