Urmendik urteroko festa ospatuko du igandean
Oiartzungo haur eskolako komunitateak goiz pasa antolatu du iganderako. Hainbat ekitaldi prestatu dituzte.
Iaz egin zuten Urmendi Eguneko irudia. [Argazkia: www.facebook.com/Urmendi/]. Urmendi Eguna ospatuko dute datorren igandean, hilak 28. 10:00etatik 13:00etara bitartean, festa giroan elkartuko dira Urmendi haur eskolako komunitatekoak.
Irakasle eta guraso ohiek jokatuko duten antzezlan batekin hasiko da. Hiru txerrikumeak ipuina antzeztuko dute, zehazki.
Horrez gain, hainbat txoko prestatuko dituzte, elkarren arteko jarduera ezberdinetan aritzeko aukera emanez: madalenak apaintzeko txokoa; talo-txokoa; aurpegia margotzeko aukera; photocall-a; sormen txokoa; eta zukuen txokoa.
12:00ak aldera mokadutxoa egingo dute haur eskolako sarreran. Egun osoan zehar musika zuzenean eta giro ona egongo direla iragarri du Urmendik.
