Jai giroak Alaberga zipriztinduko du asteburuan
Auzoz auzo, lekukoa pasatzen ari dira. Asteburuan, Alabergaren txanda da eta egitarau zabala ondu du jai batzordeak auzotarrei zein Alaberga kanpotik gerturatzen direnei begira.
Alabergako Auzo Elkartearen egoitzan izango da batzarra. Maiatzeko azken asteburuarekin batera, Alabergako jaiak helduko dira. Jai batzordeak egitarau zabala ondu du auzotarrei begira, baina baita, Alaberga kanpotik gerturatzen direnentzako ere. Jai batzordeak eskerrak eman dizkie herriko dendariei zein auzotarrei “beren ekarpenak eta gure ilusioak ahalbidetuko dutelako, berriz ere, jaiak gozatzeko aukera izatea Alabergan”.
Hainbat ekitaldi nabarmendu ditu gainera, jai batzordeak. Besteak beste, ostiral arratsaldean haurrentzako antolatu duten Amets eta hegan egiteko ipuinak emanaldia, egun berean, baina gauean antolatu duten kontzertua ere lehen lerrora ekarri dute; Kaos Urbano (Madril) A tiro Hecho (Segovia), eta Hyronika (Orereta) taldeak ariko dira eta horiek behin amaituta, DJ Krash.
Larunbat arratsaldean, berriz, apar festa, haur jolasak eta Sukar taldearekin antolatutako erromeria nabarmendu dituzte; gauez, zezensuzkoa, Sukar taldearekin dantzaldia eta jarraian DJ Fulana ariko da.
Igandean, azkenik, danborrada eta muxikoak izango dira Alabergan, eta arratsaldan Xaibor Disko Family.
Egitaraua
Ostirala, hilak 26
- 18:00: Haurrentzako emanaldia auzoko plazan: Amets eta hegan egiteko ipuinak,
Eulali Morenorekin. Ondoren, txikientzako askaria, Telepizzaren eskutik. - 19:30: Txupinazoa eta omenaldia Alabergako auzogintzaren bidegileei. Jarraian, buruhandien irteera.
- 20:00: Pintxo potea auzoko plazan, Uriñaren eskutik.
- 22:30: Kontzertua plazan: KAOS URBANO, A TIRO HECHO eta HYRONIKA taldeak. Ondoren, DJ KRaSh!
Larunbata, hilak 27
- 12:00: Toka eta bote txapelketak plazan.
- 12:30-14:30: Puzgarriak plazan.
- 13:00: Penalti txapelketa plazan.
- 13:30: Patata tortilla txapelketa. Ondoren, tortillen dastaketa eta goizeko txapelketen sari banaketak.
- 16:30: Aparraren festa garajeen plazan.
- 17:00-19:30: Puzgarriak eta jokoak plazan.
- 18:30: Txikientzako askaria, Lapurdiko Pizzen eskutik.
- 20:00-22:00: Erromeria SUKAR taldearekin plazan.
- 22:45: Zezensuzkoa
- 23:00-01:00: Dantzaldia SUKAR taldearekin plazan.
- 01:00: DJ La Fulanaren emanaldia.
Igandea, hilak 28
- 12:00: Haur danborrada. Deiadar txarangak lagunduta, eta Pizza Sprinten
hamaiketakoarekin. - 12:30: Bola-joko txapelketa plazan.
- 13:00: Muxikoen dantza emanaldia plazan. Aurrez, txistulariek auzoa girotuko dute.14:30: Paella-jate herrikoia plazan. Bazkalondorenean… bingoa!
- 16:30: Haurrentzako marrazki lehiaketa.
- 17:30: Haurrentzako emanaldi musikala plazan: XAIBOR DISKO FAMILY.
- 18:30: Txokolate-jatea, Geza eta Gazia gozodendaren eskutik, eta marrazki lehiaketaren sari banaketa
- 19:00: Buruhandien irteera eta… SORPRESA!
- 19:30: Jaiei amaiera emateko… traka ederra!
