Karmengo Jaietako kartel lehiaketa martxan da
Sorkuntzak ekainaren 2a baino lehen aurkeztu beharko dituzte 18 urtetik beherako pasaitarrek. Edozein modalitate artistikokoak izan daitezke.
Uztailaren 13an abiatuko dira karmenak. 
Zabalik da Trintxerpeko Karmengo Jaiak (uztailaren 13tik 16ra bitarte ospatuko dituzte) iragartzeko kartelen lehiaketa. Pasaian jaio edota bizi den 18 urtetik beherako edonork har dezake parte, eta irabazlearen ilustrazioak ospakizuna iragarri ez ezik, egitarauaren aldizkariaren azala ere beteko du.
Lanak DIN-A4 neurrian aurkeztu behar dira, eta edozein modalitate artistiko erabil daiteke horiek sortzeko. Baldintza bat badago: kartelean “Karmengo Jaiak 2023. Uztailak 13- 17 Julio” esaldia agertu beharko da, eta ez da egilearen sinadura edo bestelako zehaztasunik agertuko marrazkian.
Kartelarekin batera, gutun itxi bat aurkeztu beharko dute artistek, eta barruan egilearen izen-deiturak, helbidea eta telefonoa sartu beharko ditu norberak. Halaber, gurasoetako baten baimen sinatua ere atxiki beharko dute adingabeek parte hartu ahal izateko.
Lanak aurkezteko, bi aukera: Kultura eta Hezkuntza Sailean (Euskadi Etorbidea, 61. Trintxerpe. Udal Euskaltegiaren ondoan), edo Trintxerpeko liburutegian. Batean ala bestean, ekainaren 2a baino lehen entregatu beharko dira lanak.
