'Igandean dantzan', Zumardira
Galtzarabordako kiroldegitik aterako da 'Igandeak dantzan' egitasmoa ekainaren 4an. Garai batean bezala, Gamon Zumardian dantzaldia izango da.
Galtzarabordako kiroldegik, Zumardira joango da ekainaren 4an 'Igandeak dantzan' Galtzarabordako kiroldegitik kalera, plazara, aterako da ekainaren 4an Igandeak dantzan egitasmoa. Garai batean bezala, dantzaldia jasoko du Gamon Zumardiak 18:00etatik 20:30era.
Urtarrilaren 22an hasi ziren dantzaldiekin, areto barruan. Horien helburua batez ere adinekoentzat aisia eskaintza erakargarria izatea da, dantzaren bitartez elkar ezagutu daitezen, eta aldi berean, herriko kultur ekitaldietara hurbil daitezen. Hilabete guztietako laugarren igandeetan bildu dira orain arte. Ekainean, berriz, uda hurbil dela, kalera eraman dute Igandeak dantzan. Egitasmoaren bultzatzaile udaleko hainbat sail eta herriko erretiratuen elkarteak dira.
Ekainaren 4koa kaleko jarduera denez, ez da sarrerarik eskuratu behar. Bertan parte nahi duen oro hurbil daiteke dantzara.
