Arratsaldeko datuen arabera, ia bost puntuan jaitsi da parte hartzea
Botoa ematera deituta dauden 30.507 herritarren artetik, %44,47 joan dira hauteslekuetara arratsaldeko seiak arte, 13.567 herritar, zehazki.
Herritarrak bozkatzen Galtzarabordako kiroldegian. Botoa ematera deituta dauden 30.507 herritarren artetik, %44,47 joan dira hauteslekuetara arratsaldeko seiak arte, 13.567 herritar, zehazki. Horiek dira Espainiako Gobernuak parte hartzearen gainean eman dituen bigarren datu ofizialak. 2019an, herritarren %49,29koa izan zen parte hartzea —15.139 herritarrek bozkatu zuten duela lau urte denbora tarte berean—, hortaz, %4,82 jaitsi da parte hartzea lehenengo datu ofizialen arabera.
Lasaitasuna mantendu da arratsaldean zehar ere, eta ez da aipatzeko gertakaririk izan hauteslekuetan. Ordu bietako datuen arabera, errenteriarren %33,40 zuten emana botoa.
Zortzietan itxiko dituzte hauteslekuek, eta baliteke datuetan alderik egotea parte hartzeari dagokionean.
HITZA-k emaitzen berri emango du datuak jaso bezain pronto.
