Lasaitasuna izaten ari da nagusi goiz partean
Bederatzietan zabaldu dituzte ateak hauteslekuek, eta ordutik apurka bada ere, gerturatzen ari dira, eguraldia lagun botoa ematera, errenteriarrak.
Hainbat herritar botoa ematen Merkatuzarreko Jose Luis Caso aretoan. Hasi dira herritarrak hauteslekuetara gerturatzen botoa ematera. Bederatzietan zabaldu dituzte ateak hauteslekuek, eta ordutik apurka bada ere, gerturatzen ari dira, eguraldia lagun botoa ematera, errenteriarrak.
Lasaia izaten ari da goiza, eta ez da, momentuz, inolako arazorik izan herrian zabalik dauden 48 mahaietan. Hala joatea eguna espero da, lasai. Lehen parte hartze datu ofizialak eguerdian zabalduko ditu Espainiako Gobernuak, 14:00etan. HITZA-k horien berri emango du.
2019ko hauteskundeetan zabaldutako datu ofizialen arabera, %36,62 izan zen parte hartzea ordu bietarako; duela lau urte, arratsaldeko seietako datuen arabera, bozkatzera deituta zeuden herritarren %49,30 botoa emana zuten.
Hauteslekuetako mahaiak 20:00etan itxiko dituzte. Herritarrek bost hautagaitza dituzte aukeran.
-
- Goiza lasai joan da hauteslekuetan Errenteria-Oreretan.
-
- Gaurko hauteskundeen irudi bat.
