EH Bilduk irabazi ditu hauteskundeak, EAJ eta PSE-EEren zinegotzi bikoitzarekin
Bi zinegotzi gehiago lortu ditu EH Bilduk, zortzi. PSE-EEk bat galdu du eta berdin mantendu da EAJ, launa. Podemosen ordezkariak du giltza.
Pasaiako EH Bilduko kide eta ingurukoak, San Pedroko Antxeta elkartean, garaipena ospatzen. 
EH Bilduk garbi irabazi ditu hauteskundeak Pasaian, 2,587 bozekin. Ia 1.000tik gorako aldea atera dio EAJri, zeinak 1.599 aldeko paper jaso dituen, eta atzetik da PSE-EE, 1.318rekin. Ordezkaritza lortu duen azken alderdia Podemos da, 326 bozekin.
Zinegotzietan egoera aztertuta, zortzi lortu ditu koalizio subiranistak, 2019an baino bi gehiago. EAJk bat gehiago irabazi du, eta bat galdu du, aldi berean, PSE-EEK; biek ala biek launa ordezkari izango dituzte udalbatzan. Azken zinegotzia morea izango da, Podemosena.
Launa zinegotzi lortu dituzten alderdien bilakaera aztertuta, pentsatzekoa da berriro bat egingo dutela, jeltzaleen aldeko zortzi boza zenbatuta. Kasu horretan, beraz, berdinduta leudeke EH Bildu eta EAJ-PSE-EE koalizioa. Azken hitza, beraz, Podemoseko ordezkari Julen Rodriguezek izango du. Alde bat edo bestea babestu, horren araberakoa izango da alkatetza Teo Alberrorena edo Loreto Osarena.
Ezker Anitzak 247 boto jaso ditu, 287 PPk eta 91 izan dira baliogabeak Pasaian.
