Lezon EH Bildu garaile, eta Mikel Arruti Salaberria alkate
EH Bilduk irabazi ditu, zazpi zinegotzirekin, Lezoko udal hauteskundeak. EAJk bat galdu du (5), eta PSE-EEk zuena mantendu du.
Lezoko alderdi nagusietako hautagaiak, gaur. Ezkerretik bigarrena da MIkel Arruti (EH BIldu) alkate berri izango dena. Lezoko alkate Mikel Arruti Salaberria izango da datozen lau urteetan. EH Bilduk irabazi ditu hauteskundeak, zazpi zinegotzi lortuta. Ondoren, Jesus Mari Martiarenaren EAJ izan da, bost zinegotzirekin. PSE-EEk bat lortu du. Horrela, ezker abertzale subiranistak alkatetza lortu du, 2011-2015 eta 2015-2019 agintaldietan Jesus Mari Martiarena izan da alkatea, EAJk eta PSE-EE lortutako alkatetza eta gobernu akordioei esker.
Hortaz: EH Bilduk 2019an baino zinegotzi bat gehiago eskuratuta, gehiengo osoa lortu du, hamahiru zinegotzietatik zazpi eskuratu dituelako. EAJk 2019an baino zinegotzi bat gutxiago lortu du, bostekin geratuz. PSE-EEk aurretik zuen bakarra mantendu du.
Hona hemen, gaurko udal hauteskundeetan lezoarrek erabaki dutena:
- EH Bildu: 1.393 bozka, zazpi zinegotzi (2019an 1.418 boz, sei zinegotzi)
- EAJ: 977 bozka, bost zinegotzi (2019an 1.310 boz, bost zinegotzi)
- PSE-EE: 217 bozka, zinegotzi bat (2019an 277 boz, zinegotzi bat)
- Elkarrekin Podemos: 121 bozka.
- PP: 40 bozka (2019an 32 bozka).
Aurtengo abstentzioa %40,7koa izan da. 2019an %35,34koa izan zen.
