Hona hemen Pasaiako udalbatza berria
Honakoa izango da Pasaiako udalbatza datozen lau urteotan. EH Bilduk zortzi zinegotzi izango ditu, lau EAJk eta beste lau PSE-EEk. Hamazazpietan azkena Julen Rodriguez izango da, Podemosen zerrendaburu denez gero.
Aulkien gorabeherak aztertuta, bi ordezkari gehiago lortu ditu koalizio subiranistak, eta beste bat alderdi jeltzaleak. Sozialistek nahiz Podemosek, aldiz, zinegotzi bana galdu dute. Boto zehatzak albiste honetan kontsulta daitezke.
Pasaitarren babes handiena jaso duen alderdian hiru zinegotzi dira beteranoak: Iraitz Pazos, Miguel Mari Torrea eta Amaia Muguruza. Teo Alberro alkategaiak nahiz Aintzane Taberna, Laura Re, Aitor Brion eta Natitxu Etxarrik lehen aldiz hartuko dute udaletxeko aulkia.
Jeltzaleen artean Loreto Osa eta Koldo Errondosoro dira kargua errepikatuko dutenak, eta Enara Mecerreyes nahiz Aitor Intxausti lehen aldiz zinegotzi karguari ekingo diotenak. PSE-EEn laurek errepikatuko dute kargua, Izaskun Gomezek izan ezik, zeinak alkate izatetik zinegotzi izaterako jauzia egingo duen. Podemosen, aldiz, Julen Rodriguezek berriro errepikatuko du kargua.
