OKEren gizonen talde nagusia, play-offetara
Ligako azkeneko partidua galdu arren, azken fasera sailkatu dira. Nesken hirugarren taldeak finaleko joanekoari buelta eman dio, eta igoera lortu.
Play-offetarako sailkapena Zumaian ospatu zuten. Oiartzun Kirol Elkarteko gizonen taldeak play-offetarako sailkapena lortu du. Bere eskutan zegoen azken fasera pasatzea, baina Zumaian galdu arren, arerioek ere galdu egin zuten. 5-2 bukatu zen norgehiagoka, Zumaiako taldearen alde.
Emakumeen hirugarren taldeak, berriz, mailaz igotzea lortu du. Usurbilen kontra jokatu behar zuten kanporaketetako finalaren itzulikoa, Ugaldetxon. Joaneko partida 3-2 galdu zuen, eta Oiartzungo partidan buelta eman zioten: 2-0 nagusitu ziren Erregionaleko neskak.
Areto futbola
Oiartzun KEk Gipuzkoako Lehen Mailako finala jokatuko du asteburuan, Martutene La Terrazaren kontra. Andoaingo Allurralde kiroldegian areto futbolaren festa handia egingo dute larunbatean, lau final jokatuko baitituzte.
Oiartzuarren eta donostiarren arteko partida 18:45ean hasiko da, eta Oiartzun Kirol Elkarteak dei egin die oiartzuarrei bertara joan daitezen, taldea animatzera.
Oiartzun Ck mailaz igotzea lortu du.
