Ikerketa ezinbestekoa delako
Laugarren June Sanchez Tolaretxipi bekarako deialdia zabaldu dute Juneren Hegoak elkarteak eta Euskal Herriko Pediatria Elkarteak.
Bekaren hirugarren ekitaldiko irabazle, Biocruceseko ikerlari Piedad Alba Pavon Laugarren June Sanchez Tolaretxipi bekarako deialdia zabaldu dute Juneren Hegoak elkarteak eta Euskal Herriko Pediatria Elkarteak. Bekaren helburua da ekarpen ekonomikoa egitea pazientearen diagnostikoa, jarraipena, eta tratamendua hobetzen lagunduko duen proiektu bati. Baloratuko dira jatorria, pronostiko faktoreak eta tratamendua ikertzen dituzten proiektuak, eta paziente onkologikoen bizi kalitatea hobetzen lagun dezaketen teknika diagnostikoak eta terapeutikoak ikastera bideratutakoak.
Deialdian parte hartu nahi dutenek, abuztuaren 31 dute izena emateko azken eguna, eta eskabidearen baldintzak zein beharrezko dokumentazioa hemen klik eginda eskura daitezke.
2015ean sortu zuten beka, June Sanchez Tolaretxipiren omenez. 2013an hil zen, haurrei eragiten dien minbizi baten ondorioz, bi urte zituela. Urte horretan bertan, Juneren gurasoek eta lagun talde batek Juneren Hegoak elkartea sortu zuten Errenteria-Oreretan haurren gaixotasunengatik edota doluagatik zaurgarritasun egoeran dauden Araba, Bizkai eta Gipuzkoako familiei laguntza sarea eskaintzeko. Ordutik 59 familia artatu ditu elkarteak, eta hamargarren urteurrena bete du aurten.
Ikerkuntza ezinbesteko jo dute Juneren Hegoak elkarteak, eta Euskal Herriko Pediatria Elkarteak: “Ikerketan sendo sinisten dugu haurren minbiziaren aurkako irtenbide bakartzat dugu. Zoritxarrez, gaur egun, ikerketarako laguntzak mugatuak dira eta gobernuz kanpoko erakundeen egoera ere ez da une ona bizitzen ari”. Hori dela eta, finantzaketa kolektiboa abiatu dute beka antolatu ahal izateko: “Horrekin batera, Orereta Ikastolaren dohaintza ere jaso dugu, besteak beste”.
Juneren Hegoak elkartea lagundu edota finantza kolektiboarekin bat egin nahi dutene hauteko bideren bat erabil dezakete: Boluntario egin nahi dutenei, posta elektroniko helbide honetara idazteko eskatu diete; hilero euro baten trukez Teamer izateko berriz, hemen sakatu. Dohaintza egiteko aukera ere badago (horretarako klik egin hemen). Juneren Hegoak elkartearen laguntzaile izateko aukera ere eskaintzen du elkarteak.
Horretaz gain, Sabadell banketxeko ES81 0081 4254 46 0001112822 kontu korrontean egin daiteke ekarpena, baita Bizum bidez ere 03930 kodea erabilita, edota dohaintzak sailean Juneren Hegoak bilatuta.
