CAR bikain aritu da asteburuko txapelketetan
Nesketan zein mutiletan egin dute hirugarren postua errenteriarrek Gipuzkoako Kluben Txapelketa absolutuan.
CAR atletismo klubeko kirolariak. Zumarragan jokatu diren Euskadiko Eskolarteko Jokoetan Gipuzkoako selekzioaren ordezkari aritu dira CAR Errenteriako atletismo taldeko 11 kirolari joan den larunbatean. Markel Tome lehenengo sailkatu zen 80 metroetan eta 4X80 erreleboetako lasterketan. Lehen postua ere Markel Quintanarentzat 4X80 erreleboetako lasterketan, eta hirugarrena 80 metroetan. Kepa Erkizia hirugarren sailkatu zen pisu jaurtiketan. Xuhar Axpe, berriz, altuera jauzian aritu zen.
June Revueltak lehenengo postua egin zuen 80 metroko hesi lasterketan, eta bigarrena 4X80 errelebo lasterketan. Laurane Garaiartabe hirugarren sailkatu zen 220 metroko hesi lasterketan, eta Eider Zabaletarentzat ere hirugarren postua, altuera jauzian. Ariane Vegas 80 metroko lasterketan aritu zen, Malen Iurrita altuera jauzian, Lide Santamaria jauzi hirukoitzan eta Iraia San Nazario pisu jaurtiketan.
CAR atletismo klubeko kirolariak.
Arratsaldean federatuen txanda izan zen. Kluben Arteko Absolutuen Gipuzkoako Txapelketa jokatu zuten Anoetako estadioan, eta CAR elkarteko 16 kirolari master eta adin txikiko 22 federatu. Masterrak, honakoak: Leire Castilla, Joserra Latorre, Tomas Sanchez, Monica Del Rincon, Gemma Garmendia, Cristina Chueca, Montserrat Mostaza, Ibon Goienetxea, Alex Oier Mendizabal, Alberto Quintano, Rafa Ferrer, Esther Estefania, Laura Comonte, Maika Moreda, Patxi Riezu, eta Raul Viejo.
