Kalea hartuko du Eztenak
Hiru egunetan egitarau zabala ondu dute jaialdiaren barruan. Hilaren 9tik 11ra egingo dute.
Eztena Jaialdiaren antolatzaileak. Argazkia: Eztena Inoiz baino kaletartuagoa datorrela Eztena Jaialdia jakinarazi zuten joan den astean antolatzaileek. Kalea abiapuntu izango dute eta agertokien berri ere eman zuten. Halaber, antolatutako tailerretan izena emateko epea atzo itxi zuten, eta tzo bertan jaialdiaren aurkezpen ofiziala egin zuten Donostian, egitarauaren berri emateko. Ekintza eta ikuskizun ezberdinak antolatu dituzte jaialdiaren barruan, eta halaber, tailerretan landu dutena ikusteko aukera izango da Oreretako kaleetan hilaren 9tik 11ra bitartean.
Antolatutako ikuskizunen artean, honako hirurak: Igor X Morenoren Concerto, Koldo Arostegiren Bobo, eta Tripak-en Platea.
Giorgo Gaberen Teatro Canzone kontzeptuari jarraituz Concertok, koreografiaren, abestiaren eta musikaren hizkuntzak batu nahi ditu lan intimo eta bisualki aberast batean. Abesti bilduma batek gidatzen duela narrazioa azaldu dute jaialdiaren antolatzaileek, “Simone Sassuk moldatu eta Moreno Solinasek idatzi eta zuzenean kantatutako abestien bidez. Abesteko koreografia da”.
Bakarkako eszeniko bat da bere aldetik Bobo, euskal dantzari eta koreografoa den Arostegiren lana. Azkenik, andrea Berbois, Mayi Martiarena, Maite Mugerza, Marina Suarez, eta Natalia Suarezek osatutako Tripak euskal konpainiaren lana ikusteko aukera izango da jaialdiaren barruan. Tarteko existentziatik edo arimen trantsizioaren ideiatik abiatutako lana da Platea.
Eztena Jaialdiaren egitaraua
Ekainak 9, ostirala
- 19:00: Kale garbitzaileen manifestua (irekiera ekitaldia). Zumardiko kioskoan.
- 19:15: Txaranga Urretabizkaia. Zumarditik abiatuta.
- 20:00: Ekintzak eta lekuak soinutu tailerraren erakustaldia, Gaztaño auzoan.
Ekainak 10, larunbata
- 17:30: Gorputzak pasieran tailerraren erakustaldia. Txirrita parketik abiatuta
- 18.30: Momentua bizi, espero ez dugun gorputz baterantz tailerraren erakustaldia. Lino Gunean
- 20.00: Igor x Moreno konpainiaren Concerto emanaldia. Lekuona Fabrikan
- 23.00: Parkineo performance kolektiboa (gaueko ikuskizun interaktiboa) Lino gunean
Ekainak 11, igandea
- 12.30: Durangokoa ezten azoka da! performance kolektiboa (azoka artistiko interaktiboa) Zumardian
- 14.30: Familia bazkaria performace kolektiboa (eztenakide eta partehartzaileentzat herri bazkaria). Kokalekua zehazteke
- 17.30: Koldo Arostegiren BOBO emanaldia. Foru plazan
- 19.00: Tripak kolektiboaren Platea emanaldia. Lekuona Fabrikan
