Ikastola Eguna larunbatean ospatuko dute
Kilometroak urtea izanik, haur, langile eta familiek ondutako Erriola ikuskizuna izango da aurtengo hitzordu nagusienetakoa.
Larunbatean egingo du Orereta Ikastolak Ikastola Eguna. Ekitaldi nagusiak emango dio hasiera festari 11:30ean, eta Urdaburu mendizale Elkartearen ikasturte amaierako domina banaketak hartuko du lekukoa. Ondoren, haur eta gaztetxoentzat jolasak antolatu dituzte, bazkari autogestionatuari txanda emateko ondoren. Puzgarriak, DBHko DJen musika, ur zezena eta apar festa ere antolatu dituzte eguna biribiltzeko.
Egun osoan zehar ikasleen lanen eta Urdaburu elkartekoen mendi irteeren argazki erakusketa ere izango da ikusgai. Baserrian, berriz, pintxoak eta edatekoa, batxilergoko ikasleen gozoki denda, eta Kilometroakeko arropa eta osagarrien denda ere izango dira. Hirigunetik Añabitartera joan etorriak egiteko, berriz, autobusa jarriko dute.
Erriola ikuskizuna hitzordu nagusietakoa
Kilometroak urtea izanik, haur, langile eta familiek ondutako Erriola ikuskizuna izango da aurtengo hitzordu nagusienetakoa. 11:30ean hasiko da futbol zelaian, eta hori izango dela goizeko ekitaldi nagusia azaldu dute arduradunek.
Orereta Ikastolak hirutan antolatu du Kilometroak jaia: 1984an, 1999an, eta 2023an. “Erriola ikuskizunak hiru hitzordu horiek musikaz, hitzez, dantzaz eta emozioz lotzen ditu, bide batez, ikastolaren historian ere nabigatuz”.
Ikastolakide zein herritar oro gonbidatu du ikastolak festan parte hartzera.
Ikastola Eguneko egitaraua
- 11:30: Ekitaldi nagusia (Erriola ikuskizuna) Futbol zelai berrian; ondoren, Urdaburu mendizale elkartearen domina banaketa.
- 12:00-13:30: HH eta LHko haurrentzako jolas eta tailerrak LHko pista gorrian. DBHHko gaztetxoentzat jolasak batxilergo ikasleen eskutik.
- 14:00: bazkari autogestionatua LHko pista gorrian. (Aulkiak eta mahaiak jarriko dira)
- 14:30-17:00: Puzgarriak LHko aterpe nagusian.
- 15:00-17:15: DBHko DJen musika baserri inguruan; 17:00etan ur zezena.
- 17:15: Apar Festa LHko aterpe nagusian.
Egun osoan zehar: Argazki erakusketa areto berrian, edaria eta pintxoak baserrian, Batxileergoko ikasleen gozoki denda, eta kilometroak 23 arropa eta osagarrien denda.
