Larunbatean irekiko dute udako igerilekua
Igerilekuak ekainaren 10etik irailaren 10era egongo dira irekita. Elorsoroko bazkide ez direnentzako abonamendua lor liteke.
Iaz 19.600 erabiltzaile izan zituen igerilekuak. Datorren larunbatean —hilak 10— hasiko da udako igerilekuaren denboraldia. Ekainaren 10etik irailaren 10era egongo dira irekita, egunero, Xanisteban Egunean salbu.
Ekaina, abuztua eta irailean 11:00etatik 20:00etara erabili ahal izango da. Uztailean ordutegi zabalagoa izango du, 10:00etatik 21:00etara.
Iaz 19.600 erabiltzaile izan zituen udako igerilekuak.
Denboraldirako abonamenduak
Elorsoro kiroldegiko bazkideek urteko kuotan jasota dute udako igerilekuko zerbitzua. Gainerakoek, urtero bezala, denboraldiko abonamenduak eta eguneko txartelak erosi ahal izango dituzte igerilekura sartzeko.
Egunekoak 4,40 euro (16 urtetik beherakoentzako) eta 8,70 euroan (16 urtez gorakoentzako) salduko dira. Sarrerak bosnaka erosteko aukera ere izango da: 17,45 euroan gazteenak, eta 34,65 euroan helduenak.
Denboraldiko abonamenduaren prezioak honakoak izango dira: familiakoak, 135,50 euro (gurasobakarreko familiek edo familia ugariek 94,85 euro); helduen banakakoak 101,65 euro; eta gazteen banakakoak 67,80 euro.
Bost urtetik beherako haurrek ez dute ordaindu beharko.
