Asteazkenean hasiko dira pasaka txapelketak
Hamazazpi bikotek parte hartuko dute pasaka txapelketako maila herrikoian, hamar nagusietan eta besteak, gazteetan. Gipuzkoako Txapelketan, bost bikote.
Pasakarako sarea Kontzejupera bueltatuko da etzi. Datorren asteazkenean, hilak 7, Oiartzungo kontzejupean hasiko dira eskuzko pasakako bi txapelketa, Txostek jakinarazi duenez.
Alde batetik, txapelketa herrikoiaren hamabigarren ekitaldia hasiko da, bi kategoriatan banatuta: helduena eta gazteena. Bertan hamazazpi bikotek hartuko dute parte, hamar nagusienen kategorian eta gainontzekoak gazteenenean.
Bestalde, Gipuzkoako Txapelketa jokatuko dute zortzigarren aldiz. Parte-hartzaileak bost bikote izango dira.
Partidak ekaineko eta uztaileko asteazken eta ostegunetan jokatuko dituzte, Kontzejupean.
Honakoak izango dira lehenengo jardunaldiak:
Ekainaren 7an, 18:00etan hasita
- Caetano – Bergara / Oiartzabal – Arsuaga.
- Susperregi – Arruti / Arevalillo – A. Mitxelena.
- Lizaso – Urtasun / Irazu – Esnal.
Uztailaren 7an, 18:00etan hasita
- Iturain – Erzibengoa / Etxepare – Etxeberria.
- Olaizola – Ubiria / Arizabalo – Elizegi.
- E. Etxabe – O.Etxabe / Bergara – Flores.
- Taberna – Chiapusso / Urbieta II – Urbieta III.
