Auzoz auzo ibiliko dira txistulariak hilabete honetan ere
Pontika auzoan egingo du diana igandean —hilak 11—. Herriko plazatik abiatuko dira txistulariak 09:00etan, eta handik Pontika aldera egingo dute.
Hilabetero bezala, honetan ere astebururo auzoz auzo ibiliko da Udal Txistulari Banda. Pontika auzoan egingo du diana igandean —hilak 11—. Herriko plazatik abiatuko dira txistulariak 09:00etan, eta handik Pontika aldera egingo dute. Agina mendia, Candido Albistur Iturriarena, eta Agustin, Frantzisko Laskurainena Jose Ignazio Ansorena Minerrek moldatua doinuak joko dituzte. Auzoko kaleak alaitu ondoren, herriko plazan amaituko dute diana.
Hilaren 18an, Beraunen izango dira txistulariak. 09:00etan hasiko dute diana eta auzoan barrena ibiliko dira Aita Mendiburu, Antonio Arzak eta A mi tierra vasca, Manuel Torrilasen zortzikoak joko dituzte. Hilaren 23an, berriz, San Joan bezperako gau magikoan, eta usadioari jarraituta, Soka Dantza joko dute txistulariek eta Herri arte Eskolako ikasleek dantzatu 19:00etatik aurrera Herriko plazan; 20:00etatik aurrera Pontika auzoan egingo dute saioa.
Hilaren 25ean, azkenik, Galtzaraborda eta Igantzi auzoetara eramango du diana Udal txistulari Bandak. 09:00etan hasiko dute auzoan barrena ibilbide musikatua Txapillo bertsolaria Jose Ignazio Ansorena Minerrena, eta Zaldua Antonio Maria de Alsuarena Jose Ignazio Ansorena Minerrek moldatutako zortzikoak joz.
