Mikelaldia, Mikel Martin Conderen omenez, irailean
Mikel martin Conde ekintzaileari merezi duen omenaldia egiteko lanean hasi dira. Mikelaldia, irailaren 23an egingo dute martxoan zendu zen ekintzaile handiari eskainia. Proposamenak biltzen ari dira.
Pasa den ostiralean omendu zuen OiangozHau mugimenduak Martin Conde. Mikel Martin Conderi merezitako omenaldia eskainiko diote. Joan den martxoaren 2an hil zen ekintzaile oreretarra, eta haren omenez, Mikelaldia prestatzen hasi dira, “omenaldi mundiala egiteko”. Irailaren 23an egingo dute ekitaldia, eta hura osatzeko proposamenak jasotzen hasi dira, eta ekarpena egitera deitu dituzte herritar eta eragileak. Ez dira faltako, arrasto itzela utzi duelako herrian eta herritik gaindi ere Martinek, xamur josi zituelako harremanak bizi ibilbidean.
Proposamenak jasotzeko azken eguna, hilaren 25a izango da. Horiek helarazteko, berriz, posta elektronikoa jarri dute eskura—Egin klik hemen sartzeko—.
