Euskararen plana osatzeko saio parte-hartzaileak antolatu dituzte
Euskaraz Urtabe prozesuaren barruko lehenengo saioa asteazkenean egingo dute. Saio arin eta dinamikoa izango dela jakinarazi dute.
Oiartzungo Euskararen Plan Estrategikoa osatzeko asmoz, Euskaraz Urtabe barruko saio parte-hartzaileak antolatu dituzte.
Arlokako saioak izango dira —bost guztira—, eta bi ordu inguruko iraupena izango dute. “Dinamikoak eta arinak” izango direla ziurtatu dute.
Euskaraz Urtabeko arlokako lehen saioa datorren asteazkenean, hilak 14, izango da. Euskalgintza eta hedabideak izango du izena. Landetxera deitu dituzte joateko interesa dutenak, 18:30ean. Gaztelerara itzulpengintza zerbitzua egongo dela iragarri dute, behar duenarentzat.
Bertara joan nahi dutenei aurrez izena ematea eskatu diete, lanak antolatze aldera. Galdetegi baten bidez egin daiteke, edo e-posta bidez idatzita, baita telefonoz ere (943 49 38 42).
Saioen zerrenda
- Hilak 14: Euskalgintza eta hedabideak. Landetxen, 18:30ean.
- Hilak 21: Aisia, kultura eta kirola. Landetxen, 18:30ean.
- Hilak 28: Enpresak eta komertzioak. Landetxen, 15:30ean.
- Irailak 15: Gazteak. Landetxen, 18:00:etan.
- Irailak 20: Hezkuntza eta familia. Landetxen, 17:00etan.
