Bilboko hilketa matxista salatuko dute gaur
Urtea hasi denetik, hiru emakume hil ditu indarkeria matxistak Euskal Herrrian; hirurak maiatza eta ekaina artean, hilabete exkaxeko epean.
Maialen Mazonen hilketa salatzeko elkarretaratzearen irudia. Euskal Herriko Emakumeen Mundu Martxak deituta, kalera aterako dira gaur, berriro, Errenteria-Oreretan. Bilbon izandako hilketa matxista gogor salatuko dute. Bego 89 urteko emakume bat hil du 28 urteko gizon batek. Emakumearen senidea da gizona Segurtasun Sailak zabaldutako informazioaren arabera. Ostegun gauerdian izan zen gertaera. Gizonezkoa atxilotu egin zuten, hilketa egotzita, eta epailearen aurrera eramanda Basauriko kartzelan behin-behinean espetxeratzeko agindu zuen.
Urtea hasi denetik, hiru emakume hil ditu indarkeria matxistak Euskal Herrrian; hirurak maiatza eta ekaina artean, hilabete exkaxeko epean.
Maiatzaren 28an, gizon batek bikote ohia, Maialen Mazon, hil zuen Gasteizen. Bi aste eskas baino ez ziren Orion beste gizon batek Lourdes del Hoyo, bikotekide ohia, hil zuela.
Berria egunkariak egindako kontaketaren arabera 120 emakume hil ditu bortizkeria matxistak 2003. urtetik.
Euskal Herriko Emakumeen Mundu Martxak herritar guztiak deitu ditu gaur kalera atera eta hilketa matxista salatzera. Niessen merkatalgunearen sarreran elkarretaratuko dira 19:00etan.
