Madalenetako omenduei, harrera
Madalenetako omenduak izango diren Gurutze Gorria eta Juneren Hegoak elkarteetako ordezkariei harrera egin zieten atzo Errenteriako Udalean.
Gurutze Gorria eta Juneren Hegoak elkarteak dira omenduak. Madalenetako omenduak izango diren Gurutze Gorria eta Juneren Hegoak elkarteetako ordezkariei harrera egin zieten atzo Errenteriako Udalean. Mugimendu humanitarioa da Gurutze Gorria. Sorospen erakunde boluntario eta eskuzabal horrek ibilbide luzea egin du herrian, herritar kalteberen eta beharrean daudenen alde lanean.
Juneren Hegoak elkartea 2013an sortu zuten; aurten du hamargarren urteurrena. Haurren gaixotasunengatik edota doluagatik zaurgarritasun egoeran dauden Araba, Bizkai eta Gipuzkoako familiei laguntza sarea eskaintzeko hasi zuen bidea Juneren Hegoak elkarteak. Ordutik 59 familia artatu ditu elkarteak, eta hamargarren urteurrena bete du aurten.
Omenduek madalenak hasteko txupinazoa jaurtitzeko ohorea izango dute, eta oroigarri berezia jasoko dute. Gainera, udalak jaietan antolatutako ekitaldi instituzionaletan leku berezia izango dute, hala nahi izanez gero.
